ਵਿਧਾਇਕ ਫਾਜ਼ਿਲਕਾ ਨੇ 3.76 ਕਰੋੜ ਦੀ ਲਾਗਤ ਨਾਲ ਵੱਖ-ਵੱਖ ਪਿੰਡਾਂ ਨੂੰ ਵਿਕਾਸ ਪ੍ਰੋਜੈਕਟ ਦੀਆਂ ਦਿੱਤੀਆਂ ਸੌਗਾਤਾਂ
ਪਿੰਡਾਂ ਦੀਆਂ ਸੜਕਾਂ ਦੇ ਨਵੀਨੀਕਰਨ ਦੇ ਰੱਖੇ ਨੀਂਹ ਪੱਥਰ
ਅਬੋਹਰ: ਹਲਕਾ ਫਾਜ਼ਿਲਕਾ ਦੇ ਵਿਧਾਇਕ ਨਰਿੰਦਰ ਪਾਲ ਸਿੰਘ ਸਵਨਾ ਵੱਲੋਂ ਲਗਾਤਾਰ ਪਿੰਡਾਂ ਦੇ ਵਿਕਾਸ ਨੂੰ ਤਰਜੀਹ ਦਿੰਦਿਆਂ ਵਿਕਾਸ ਪ੍ਰੋਜੈਕਟਾਂ ਦੀ ਲੜੀ ਤਹਿਤ ਨੀਂਹ ਪੱਥਰ ਰੱਖੇ ਜਾ ਰਹੇ ਹਨ। ਇਸੇ ਲਗਾਤਾਰਤਾ ਵਿਚ ਵਿਧਾਇਕ ਸ਼੍ਰੀ ਸਵਨਾ ਨੇ ਪਿੰਡ ਵਾਸੀਆਂ ਨੂੰ 3.76 ਕਰੋੜ ਦੀ ਲਾਗਤ ਨਾਲ ਵੱਖ-ਵੱਖ ਪਿੰਡਾਂ ਨੂੰ ਵਿਕਾਸ ਪ੍ਰੋਜੈਕਟਾਂ ਦੀਆਂ ਸੌਗਤਾਂ ਦਿੱਤੀਆਂ। ਵਿਧਾਇਕ ਸ਼੍ਰੀ ਸਵਨਾ ਨੇ ਵੱਖ-ਵੱਖ ਪਿੰਡਾਂ ਦੀਆਂ ਸੜਕਾਂ ਦੇ ਨਵੀਨੀਕਰਨ ਦੇ ਨੀਂਹ ਪੱਥਰ ਰੱਖੇ ਜਿਸ ਵਿੱਚ ਉਨ੍ਹਾਂ ਵੱਲੋਂ ਨੂਰਸ਼ਾਹ ਵੱਲੇ ਸ਼ਾਹ ਰੋਡ ਤੋਂ ਗੁਲਾਮ ਰਸੂਲ ਜਿਸ ਦੀ ਲੰਬਾਈ 700 ਮੀਟਰ 10 ਫੁੱਟੀ ਚੋੜੀ ਲਿੰਕ ਸੜਕ ਜਿਸ ਤੇ ਕੁੱਲ 9.50 ਲੱਖ, ਬਸਤੀ ਅਬੁਲ ਖਾਲਿਫ (ਫਾਜਿਲਕਾ ਫਿਰੋਜਪੁਰ ਰੋਡ ਤੋਂ ਰਾਮਨਗਰ ਓਰਫ ਜੱਟਵਾਲੀ) ਜਿਸ ਦੀ ਲੰਬਾਈ 17.50 ਮੀਟਰ ਜਿਸ ਦੀ ਸਿਰਜਣਾ ਤੇ 24.52 ਲੱਖ, ਆਲਮਸਾਹ਼ ਤੋ ਮੁਹਮੱਦ ਪੀਰਾ ਜਿਸ ਦੀ ਲੰਬਾਈ 2.70 ਕਿਲੋਮੀਟਰ ਤੇ ਜਿਸ ਤੇ ਸਿਰਜਣਾ 37.40 ਲੱਖ ਰੁਪਏ, ਸੀ.ਸੀ ਫਲੋਰਿੰਗ ਭਖੂਸ਼ਾਹ ਜਿਸ ਦੀ ਲੰਬਾਈ 200 ਮੀਟਰ ਤੇ ਜਿਸ ਤੇ ਸਿਰਜਣਾ 15.75 ਲੱਖ ਰੁਪਏ, ਸੀ.ਸੀ ਫਲੋਰਿੰਗ ਮੁੱਬੇ ਕੇ ਜਿਸ ਦੀ ਲੰਬਾਈ 780 ਮੀਟਰ ਤੇ ਜਿਸ ਦੀ ਸਿਰਜਣਾ ਤੇ 66.65 ਲੱਖ, ਛੇ ਮੀਟਰ ਡਬਲ ਸਪੈਨ ਬ੍ਰਿਜ 2*6 ਮੀਟਰ ਜਿਸ ਦੀ ਸਿਰਜਣਾ ਤੇ 50.00 ਲੱਖ, ਝੁੰਘੇ ਗੁਲਾਬ ਤੋਂ ਡੇਰਾ ਬਾਜੀਗਰ (ਆਸਫਵਾਲਾ) ਜਿਸ ਦੀ ਲੰਬਾਈ 1 ਕਿਲੋਮੀਟਰ ਤੇ ਜਿਸ ਦੀ ਸਿਰਜਣਾ ਤੇ 13.25 ਲੱਖ, ਡੀ.ਐੱਚ.ਐੱਸ ਰੋਡ ਤੋਂ ਝੁੰਘੇ ਗੁਲਾਬ ਜਿਸ ਦੀ ਲੰਬਾਈ 220 ਮੀਟਰ ਤੇ ਜਿਸ ਦੀ ਸਿਰਜਣਾ ਤੇ 3.28 ਲੱਖ, ਸੀ.ਸੀ ਫਲੋਰਿੰਗ ਹੀਰਾਵਾਲੀ ਜਿਸ ਦੀ ਲੰਬਾਈ 700 ਮੀਟਰ ਤੇ ਜਿਸ ਦੀ ਸਿਰਜਣਾ ਤੇ 57.82 ਲੱਖ ਅਤੇ ਸੀ.ਸੀ ਫਲੋਰਿੰਗ ਕਬੂਲਸ਼ਾਹ ਖੁੱਬਣ ਜਿਸ ਦੀ ਲੰਬਾਈ 280 ਮੀਟਰ ਤੇ ਜਿਸ ਦੀ ਸਿਰਜਣਾ ਤੇ 19.78 ਲੱਖ ਦਾ ਖਰਚਾ, ਮੰਡੀ ਲਾਧੂਕਾ (ਫਾਜ਼ਿਲਕਾ-ਫਿਰੋਜਪੁਰ ਰੋਡ ਤੋਂ ਹੌਜਖਾਸ) ਤੇ 360 ਮੀਟਰ ਲੰਬੀ ਤੇ 16 ਫੁੱਟੀ ਚੋੜੀ ਲਿੰਕ ਸੜਕ ਦੀ ਸਿਰਜਣਾ ਤੇ 8.12 ਲੱਖ, ਪਿੰਡ ਨੂਰਸਮੰਦ ਫਿਰਨੀ ਦੀਆਂ ਸੜਕਾਂ ਦੇ ਨਵੀਨੀਕਰਨ ਜਿਸ ਦੀ ਲੰਬਾਈ 350 ਮੀਟਰ 10 ਫੁੱਟੀ ਚੋੜੀ ਲਿੰਕ ਸੜਕ ਤੇ 4.65 ਲੱਖ ਰੁਪਏ ਦੀ ਲਾਗਤ ਨਾਲ, ਫਿਰਨੀ ਤੇਜਾ ਰੁਹੇਲਾ(ਸੀਸੀ ਫਲੋਰਿੰਗ ਸਮੇਤ ਸਿੰਚਾਈ) ਜਿਸ ਦੀ ਲੰਬਾਈ 820 ਮੀਟਰ ਤੇ ਜਿਸ ਦੀ ਸਿਰਜਣਾ ਤੇ 65.60 ਲੱਖ ਖਰਚ ਆਵੇਗਾ। ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਪੰਜਾਬ ਸ. ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਪੰਜਾਬ ਸਰਕਾਰ ਪਿੰਡਾਂ ਦੇ ਵਿਕਾਸ ਪੱਖੋਂ ਲਗਾਤਾਰ ਹੰਭਲੇ ਮਾਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਰਾਹਗੀਰਾਂ ਨੂੰ ਆਉਣ-ਜਾਣ ਦੌਰਾਨ ਕੋਈ ਦਿੱਕਤ ਨਾ ਹੋਵੇ ਜਿਸ ਕਰਕੇ ਸੜਕ ਦੇ ਨਵੀਨੀਕਰਨ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਨੁਹਾਰ ਬਦਲਣ ਲਈ ਪਿੰਡਾਂ ਨੂੰ ਮੁੱਢਲੀਆਂ ਸਹੂਲਤਾਂ ਤੋਂ ਵਾਂਝਾ ਨਹੀ ਰਹਿਣ ਦਿੱਤਾ ਜਾਵੇਗਾ। ਸ਼੍ਰੀ ਨਰਿੰਦਰ ਪਾਲ ਨੇ ਕਿਹਾ ਕਿ ਜੇਕਰ ਪਿੰਡਾਂ ਵਿਖੇ ਸੜਕਾਂ, ਗਲੀਆਂ-ਨਾਲੀਆਂ ਪੱਕੀਆਂ ਹੋਣਗੀਆਂ, ਪਿੰਡ ਦਾ ਆਲਾ-ਦੁਆਲਾ, ਸਾਫ-ਸੁਥਰਾ ਤੇ ਗੰਦਗੀ ਮੁਕਤ ਬਣੇਗਾ ਤਾਂ ਪਿੰਡ ਦੇ ਸਰਵਪੱਖੀ ਵਿਕਾਸ ਦਾ ਉਦੇਸ਼ ਪੂਰਾ ਹੋ ਸਕੇਗਾ। ਉਨ੍ਹਾਂ ਪਿੰਡ ਦੀ ਪੰਚਾਇਤ ਤੇ ਹੋਰ ਮੋਹਤਵਾਰਾਂ ਨੂੰ ਵੀ ਕਿਹਾ ਕਿ ਉਹ ਪਿੰਡਾਂ ਦੇ ਵਿਕਾਸ ਲਈ ਵੱਧ ਤੋਂ ਵੱਧ ਵਿਕਾਸ ਪ੍ਰੋਜੈਕਟ ਉਲੀਕਣ ਦੇ ਮਤੇ ਪਾਉਣ ਤਾਂ ਜੋ ਪਿੰਡਾਂ ਨੂੰ ਪ੍ਰਗਤੀ ਦੀ ਰਾਹ *ਤੇ ਲਿਜਾਇਆ ਜਾ ਸਕੇ। ਇਸ ਮੌਕੇ ਪਰਮਜੀਤ ਸਿੰਘ ਨੂਰਸ਼ਾਹ ਚੇਅਰਮੈਨ, ਸਰਪੰਚ ਪਰਸ਼ੋਤਮ ਸਿੰਘ ਤੇਜਾ ਰੁਹੇਲਾ, ਗਗਨਦੀਪ ਸਿੰਘ, ਬਲਵਿੰਦਰ ਸਿੰਘ, ਰਾਜ ਸਿੰਘ ਬਲਾਕ ਪ੍ਰਧਾਨ, ਕੁਲਵਿੰਦਰ ਸਿੰਘ ਸਰਪੰਚ, ਗੁਰਿੰਦਰ ਪਾਲ ਸਿੰਘ ਸ਼ਾਰੀ ਯੂਥ ਆਗੂ ਆਦਿ ਹੋਰ ਪਤਵੰਤੇ ਸੱਜਣ ਮੌਜੂਦ ਸਨ।
Author: Abohar Live
